"Qaseedah E Noor"

'Subha Taibah Me Hui Bat'ta Hain Baada Noor Ka'

'Sadqa Lene Noor Ka Aaya Hain Taara Noor Ka'

'Baaghe Tai’bah Mein Suhaana, Phool, Phoola Noor Ka'

'Mast Boo Hain Bulbulein, Parhti Hain Kalimah Noor Ka'

'Baarhvien Ke Chaand Ka Mujra Hai Sajdah Noor Ka'

'Baarah Burjon Se Jhuka Aek, Ik Sitaarah Noor Ka'

'Unke Qasre Qadr Se Khuld Aek Kamrah Noor Ka'

'Sidrah Paain Baagh Mein Nannha Sa Pauda Noor Ka'

'Arsh Bhi Firdaus Bhi Us Shaahe Waala Noor Ka'

'Yeh Musamman Burj Woh Mushku-aey A'ala Noor Ka'

'Aayi Bida'at Chaai Zulmat Rang Badla Noor Ka'

'Maahe Sunnat Mehre Tala'at Le, Le Badla Noor Ka'

'Tere Hi Maathe Raha Aey Jaan Sehra Noor Ka'

'Bakht Jaaga Noor Ka Chamka Sitaara Noor Ka'

'Mayn Gada Tu Baadshaah, Bhar De Piyaalah Noor Ka'

'Noor Din Duna Tera, De Daal Sad’qah Noor Ka'

'Teri Hi Jaanib Hai Paanchon Waqt Sajdah Noor Ka'

'Rukh Hai Qiblah Noor Ka Abroo Hai Kaa’bah Noor Ka'

'Pusht Par Dhalka Sar-e Anwar Se Shamlah Noor Ka,'

'Dekhein Musa Toor Se Utra Sahifah Noor Ka'

'Taaj Waale Dekh Kar Tera 'Amaamah Noor Ka'

'Sar Jhukaate Hain Ilaahi Bol Baala Noor Ka'

'Pech Karta Hai Fida Hone Ko Lam’aa Noor Ka,'

'Gird-e Sar Phir Ne Ko Banta Hai 'Amaamah Noor Ka'

'Haibat-e Aariz Se Tharraata Hai Sho’la Noor Ka'

'Kafsh-e Pa Par Gir Ke Ban Jaata Hai Guppha Noor Ka'

'Shamm'a Dil Mishkaat Tan Sina Zujaajah Noor Ka'

'Teri Surat Ke Liye Aaya Hain Surah Noor Ka'

'Mail Se Kis Darja Suthra Hai Woh Putla Noor Ka'

'Hai Gale Mein Aaj Tak Kora Hi Kurta Noor Ka'

'Tere Aage Khaak Par Jhukta Hai Maatha Noor Ka'

'Noor Ne Paaya Tere Sajde Se Seema Noor Ka'

'Tu Hain Saaya Noor Ka Har ‘Uzwa Tukda Noor Ka'

'Saaye Ka Saaya Na Hota Hai Na Saaya Noor Ka'

'Kya Bana Naame Khuda Asra Ka Dulha Noor Ka'

'Sar Pe Sehra Noor Ka Bar Mein Shahaana Noor Ka'

'Bazm-e Wahdat Mein Maza Hoga Dobaala Noor Ka'

'Milne Sham’a Toor Se Jaata Hai Ikka Noor Ka'

'Wasf-e Rukh Mein Gaati Hain Hoorein Taraana Noor Ka'

'Qudrati Beenon Mein, Kya Bajta Hai Lehra Noor Ka'

'Yeh Kitaabe Kun Mein Aaya, Turfa Aaya Noor Ka'

'Ghaire Qaa-il Kuch Na Samjha, Koi Maa’na Noor Ka'

'Dekhne Waalon Ne Kuch Dekha Na Bhaala Noor Ka'

'Man Ra’ Aa Kaisaa Yeh Aaina Dikhaaya Noor Ka'

'Subha Kardi Kufr Ki Sach-cha Tha Muzda Noor Ka'

'Shaam Hi Se Tha Shab-e Teerah Ko Dharrka Noor Ka'

'Parti Hai Noori Bharan Umda Hai Dariya Noor Ka'

'Sar Jhuka Aay Kisht-e Kufr Aata Hai Ahla Noor Ka'

'Naariyon Ka Daur Tha Dil Jal Raha Tha Noor Ka'

'(Aey Umar), Tum Ko Dekha Ho Gaya Thanda Kaleja Noor Ka'

'Naskh Adiyaan Karke Khud Qabza Bithaaya Noor Ka'

'Taajwar Ne Kar Liya Kach-cha ‘Ilaaqah Noor Ka'

'Jo Gada Dekho Liye Jaata Hai Tora Noor Ka'

'Noor Ki Sarkaar Hai Kya Is Mein Tora Noor Ka'

'Bhikh Le Sarkaar Se La Jald Kaa’sah Noor Ka'

'Maahe Nau Tai’bah Mein Bat’ta Hai Maheenah Noor Ka'

'Dekh Unke Hote Na Zaiba Hai Da’wa Noor Ka'

'Mehr Likh De Yaan Ke Zarron Ko Muchalka Noor Ka'

'Yaan Bhi Daagh-e Sajdah-e Tai’bah Hai Tamgha Noor Ka'

'Aey Qamar Kya Tere Hi Maathey Hai Teeka Noor Ka'

'Sham’a Saan Aik, Aik Parwaanah Hai Is Ba Noor Ka'

'Noor-e Haqq Se Lau Lagaaye Dil Mein Rishtah Noor Ka'

'Anjuman Waaley Hain Anjum Bazm-e Halqa Noor Ka'

'Chaand Par Taaron Ke Jhurmat Se Hai Haalah Noor Ka'

'Teri Nasle Paak Mein, Hai, Bach-cha, Bach-cha Noor Ka'

'Tu Hai A’ainay Noor, Tera Sab Gharaana Noor Ka'

'Noor Ki Sarkaar Se Paaya Do-shaalah Noor Ka'

'Ho Mubarak Tum Ko (H. Usman Ra), Zun-noorain Jora Noor Ka'

'Kis Ke Parde Ne Kiya Aainah Andha Noor Ka'

'Maangta Phirta Hai Aankhein Har Nageenah Noor Ka'

'Ab Kahaan Woh Taabishein Kaisa Woh Tarka Noor Ka'

'Mehr Ne Chup Kar Kiya Khaasaa-o Dhundlaka Noor Ka'

'Tum Muqaabil The To Pehron Chaand Barhta Noor Ka'

'Tum Se Choot Kar Munh Nikal Aaya Zara Sa Noor Ka'

'Qabr-e Anwar Kahiye Ya Qasr-e Mo’alla Noor Ka'

'Charkh-e Atlas Ya Koi Saadah Sa Qubba Noor Ka'

'Aankh Mil Sakti Nahi Dar Par Hai Pehra Noor Ka'

'Taab Hai Be-hukm Par Maare Parindah Noor Ka'

'Taabe Mehre Hashr Se Chaun-ke Na Kushtah Noor Ka'

'Bundiyaan Rehmat Ki Dene Aain Chinta Noor Ka'

'Waz’-e Waaze’ Mein Teri Surat Hai Maa’na Noor Ka'

'Yun Majaazan Chaahein Jis Ko Keh Dein Kalmah Noor Ka'

'Ambiya Ajza Hain Tu Bilkul Hai Jumla Noor Ka'

'Is ‘Ilaaqe Se Hai Un Par Naam Sach-cha Noor Ka'

'Yeh Jo Mehro Mah Pe Hai Itlaaq Aata Noor Ka'

'Bhikh Tere Naam Ki Hai Isti’aarah Noor Ka'

'Surmagin Aankhein Hareem-e Haqq Ke Woh Mushkin Ghazaal'

'Hai Fazaaye La Makaan Tak Jinka Ramna Noor Ka'

'Taab-e Husn-e Garm Se Khil Jaa-einge Dil Ke Kanwal'

'Nau Bahaarein Laa-e Ga Garmi Ka Jhalka Noor Ka'

'Zar-e Mehr-e Quds Tak Tere Tawassut Se Gaye'

'Had-e Ausat Ne Kiya Sughra Ko Kubra Noor Ka'

'Sabzah Gardon Jhuka Tha Behr-e Pa Bos-e Buraaq'

'Phir Na Sidha Ho Saka Khaaya Woh Kora Noor Ka'

'Taabe Sam Se Chaundhiya Kar Chaand Unhin Qadmon Phira'

'Hans Ke Bijli Ne Kaha Dekha Chalaawa Noor Ka'

'Deed-e Naqsh-e Sum Ko Nikli Saat Pardon Se Nigaah'

'Putliyaan Bolein Chalo Aaya Tamaasha Noor Ka'

'Aks-e Sum Ne Chaand Suraj Ko Lagaa-e Chaar Chaand'

'Par Gaya Seem-o Zar-e Gardawn Pe Sikkah Noor Ka'

'Chaand Jhuk Jaata Jidhar Ungli Utha Te Mahd Mein'

'Kya Hi Chalta Tha Ishaaron Par Khilona Noor Ka'

'Aek Sine Tak Mushaabeh, Aek Wahaan Se Paaun Tak'

'Husn-e Sibtain Unke Jaamon Mein Hai Nima Noor Ka'

'Saaf Shakl-e Paak Hai Donon Ke Milne Se ‘Iyaan'

'Khat Tawam Mein Likha Hai Yeh Do Warqah Noor Ka'

'Kaaf = Gesu, Haa = Dahan, Yaa = Abroo, Aankhein = ‘Ain Saad'

'Kaaf, Haa, Yaa, ‘Ain Saad; Un Ka Hai Chehrah Noor Ka'

'Aey, Raza Yeh Ahmade Noorie Ka Faize Noor Hai'

'Ho Gayi Meri Ghazal Badh Kar Qasidah Noor Ka'